Alleqri səhhətində yaranan problemə görə məşqi buraxdı

İtaliyanın "Napoli" klubunun baş məşqçisi Massimiliano Alleqri səhhətində yaranan problem səbəbindən azarkeşlərlə planlaşdırılan görüşünü ləğv edib.

90deqiqe.Az-ın “Football Italia”ya istinadən məlumatına görə, təcrübəli mütəxəssisin qripə xas əlamətlərdən əziyyət çəkdiyi bildirilir.

Səhhətindəki narahatlığa görə Alleqri komandanın bugünkü məşqində də iştirak etməyib. Məşq prosesini onun köməkçilərindən biri idarə edib.

66 yaşlı baş məşqçinin vəziyyəti ağırlaşmasa, çərşənbə günü işinin başına qayıdacağı gözlənilir.

Qeyd edək ki, Alleqri ötən həftə klub prezidenti Aurelio De Laurentisin iştirakı ilə San Karlo Teatrında keçirilən xüsusi mərasimdə "Napoli"nin yeni baş məşqçisi kimi ictimaiyyətə təqdim olunub.

Xatırladaq ki, "Napoli" növbəti yoxlama oyununu çərşənbə günü "Aretso" klubuna qarşı keçirəcək.