"Mənim üçün yalnız "Roma" var"

İtaliyanın "Roma" klubunun qapıçısı Mile Svilar "Yuventus"a keçmək niyyətində olmadığını açıqlayıb.

90deqiqe.Az-ın məlumatına görə, son vaxtlar "Yuventus"un futbolçu ilə maraqlandığı və "Roma"ya bir neçə təklif göndərdiyi bildirilsə də, serbiyalı əsilli qolkiper hazırkı klubuna sadiq qaldığını vurğulayıb.

"Mən bu barədə heç nə deyə bilmərəm. Mənə heç kim müraciət etməyib. Amma fikrimi soruşursunuzsa, mənim üçün yalnız "Roma" var", – deyə Svilar "Corriere dello Sport" nəşrinə bildirib.

Qeyd edək ki, Mile Svilar 2022-ci ildən "Roma"nın formasını geyinir. O, serb əsilli olsa da, beynəlxalq arenada Belçika millisinin şərəfini qorumağı seçib.

Xatırladaq ki, ötən mövsüm "Roma" İtaliya A Seriyasının turnir cədvəlində "Yuventus"u geridə qoymuşdu.