“İnter” A Seriyasına darmadağın qələbə ilə başladı

İtaliya A Seriyasının 2026/27 mövsümünün ilk turunda “İnter” doğma meydanda “Monza” ilə qarşılaşıb.

90deqiqe.Az-ın məlumatına görə, Milan təmsilçisi rəqibini 4:1 hesabı ilə məğlub edərək çempionata inamlı start verib.

“İnter” 6-cı dəqiqədə hesabı açıb. Andi Diufun ötürməsindən sonra Hakan Çalhanoğlu dəqiq zərbə ilə topu qapıdan keçirib.

Lakin “Monza” 29-cu dəqiqədə hesabı bərabərləşdirib. Qustavo Varela meydan sahiblərinin qapısına yol tapıb.

İkinci hissədə “İnter” hücumdakı fəallığını artırıb. Fasilədən sonra ilk hücumlardan biri qol ilə nəticələnib. Pyotr Zielinski 2:1 hesabını təmin edib.

Bir qədər sonra Françesko Esposito fərqlənərək Milan klubunun üstünlüyünü iki topa çatdırıb.

Qarşılaşmanın sonlarına yaxın “İnter” daha bir qol vurub. Yann Bisek matçda son nöqtəni qoyaraq hesabı 4:1 edib.

Beləliklə, Kristian Kivunun rəhbərlik etdiyi komanda A Seriyasının yeni mövsümünə böyükhesablı qələbə ilə başlayıb.