“Milan” “Latsio” ilə oyunda 2 topluq geridönüş etdi

İtaliya A Seriyasının IV turunda “Latsio” və “Milan” komandaları üz-üzə gəlib.

90deqiqe.Az  xəbər verir ki, Romadakı “Olimpiko” stadionunda keçirilən qarşılaşmanı baş hakim Matteo Marçenaro idarə edib.

Görüş qarşılıqlı hücumlar şəraitində keçib və 2:2 hesabı ilə başa çatıb.

Matçda hesabı 10-cu dəqiqədə “Latsio”nun vingeri Matteo Kançellyeri açıb. 39-cu dəqiqədə Niderland millisinin hücumçusu Teyanni Noslin fərqi iki topa çatdırıb.

“Latsio”nun üstünlüyünü 65-ci dəqiqədə “Milan”ın yeni transferi Dieqo Moreyra azaldıb. Cəmi iki dəqiqə sonra – 67-ci dəqiqədə Moreyra ikinci qolunu vuraraq komandasına 2:2 hesablı heç-heçə qazandırıb.

Bu nəticədən sonra “Latsio” 4 turdan sonra 10 xalla turnir cədvəlinə başçılıq edir. “Milan” isə 8 xalla 4-cü pillədə qərarlaşıb.