İbrahimoviç hazırda ən çox bəyəndiyi futbolçunun adını açıqladı

“Barselona”nın sabiq hücumçusu Zlatan İbrahimoviç hazırda ən çox dəstəklədiyi futbolçunun adını açıqlayıb.

90deqiqe.Az-ın məlumatına görə, “Netflix” platformasında yayımlanan “Cold as Balls” şousunun aparıcısı Kevin Hart İbrahimoviçdən hazırkı futbolçulardan hansını daha çox dəstəklədiyini soruşub.

“Seçim etməli olsam, Yamalın adını çəkərdim. Hazırda mənim futbolçum odur”, – deyə İbrahimoviç bildirib.

Qeyd olunur ki, isveçli futbolçu bu seçimini “Qızıl top” uğrunda səsvermə ilə əlaqələndirməyib. Daha əvvəl “Barselona”nın prezidenti Joan Laporta, vitse-prezident Rafa Yuste və bir sıra futbolçular “Qızıl top” uğrunda mübarizədə Lamin Yamalı dəstəklədiklərini açıqlayıblar.

Lamin Yamal bu mövsüm “Barselona”nın heyətində 8 rəsmi oyuna çıxıb. 18 yaşlı futbolçu həmin matçlarda 8 qol vurub və 6 məhsuldar ötürmə edib.