David Alaba karyerasını İtaliyada davam etdirəcək

Avstriya millisinin müdafiəçisi David Alaba “Udineze”nin futbolçusu olub.

90deqiqe.Az-ın məlumatına görə, bu barədə İtaliya klubunun rəsmi saytı məlumat yayıb.

33 yaşlı futbolçu yeni klubu ilə 2027-ci il iyunun 30-dək müqavilə imzalayıb.

“Karyeram ərzində çox şey qazandım, amma bir istəyim dəyişməyib: yenidən qalib gəlmək istəyirəm. Hələ də ambisiyalıyam və A Seriyasında ən yüksək səviyyədə oynamaq istəyirəm”, – deyə Alaba müqavilə imzaladıqdan sonra bildirib.

Qeyd edək ki, Alaba “Udineze”yə Madrid “Real”ından keçib. Avstriyalı futbolçu bundan əvvəl uzun illər Münhen “Bavariya”sının formasını geyinib.

“Udineze” A Seriyasının cari mövsümündə 5 turdan sonra 4 xal toplayıb və turnir cədvəlində 13-cü pillədə qərarlaşıb.