Trevo Çaloba “Çelsi”dən ayrılmasının səbəbini açıqladı

“Komо” və İngiltərə millisinin müdafiəçisi Trevo Çaloba “Çelsi”dən ayrılması barədə danışıb.

90deqiqe.Az-ın məlumatına görə, 27 yaşlı futbolçu “Çelsi”də keçirdiyi illərdən məmnun olduğunu bildirib:

“Mən əldə etdiklərimdən həqiqətən xoşbəxtəm. Bütün bunlar mənim üçün bir sınaq oldu. Bu, inamımın və klubda qarşılaşdığım bütün çətinliklərin öhdəsindən necə gəldiyimin göstəricisidir. Mən “Çelsi”də böyümüşəm və burada keçirdiyim hər andan zövq almışam. Qazandığım titullar, iştirak etdiyim böyük oyunlar – bütün bunlar möhtəşəm idi. Hiss etdim ki, indi fərqli və yeni bir şey sınamağın vaxtıdır”, - deyə Çalobanı “The Standard” sitat gətirib.

Qeyd edək ki, Çaloba London klubunun akademiyasına 8 yaşında qoşulub. O, bu ilin yayında karyerasında yeni çağırışa görə İtaliyaya köçərək “Komo”ya transfer olunub.

Çalobanın transferi “Komo”ya 30 milyon avroya başa gəlib.