“İnter” və “Milan”ın yeni stadion layihəsində mühüm qərar

Lombardiya İnzibati Məhkəməsi “İnter” və “Milan” klubları ilə bağlı təqdim olunan beş iddianın hamısını rədd edib.

90deqiqe.Az-ın məlumatına görə, bu barədə “Calciomercato.com” məlumat yayıb.

İddialar yeni stadion layihəsinə, Milan bələdiyyəsinin “San-Siro” stadion kompleksinin satışı ilə bağlı qərarlarına, eləcə də arenanın alınması ilə bağlı 5 noyabr 2025-ci ildə imzalanmış müqaviləyə aid olub.

Məhkəmənin qərarı ilə Milan şəhər rəhbərliyinin “San-Siro”nun iki kluba satışı ətrafında yaranmış hüquqi mübahisə başa çatıb.

Bununla da “İnter” və “Milan”ın yeni stadion layihəsinin reallaşdırılması istiqamətində yol açılıb. Yeni arena hazırkı “San-Siro” stadionunun yaxınlığında inşa olunacaq və hər iki kluba məxsus olacaq.

Layihə çərçivəsində stadionun ətrafındakı ərazinin də yenidən qurulması nəzərdə tutulur.