“İnter” “Parma”nı üç qolla məğlub etdi

İtaliya A Seriyasının VI turunda “İnter” doğma meydanda “Parma” ilə qarşılaşıb.

90deqiqe.Az-ın məlumatına görə, görüş Milan təmsilçisinin 3:0 hesablı qələbəsi ilə başa çatıb. Meydan sahibləri matçın taleyini hələ ilk hissədə həll ediblər.

“İnter” 13-cü dəqiqədə Petar Suçiçin qolu ilə hesabı açıb. Cəmi beş dəqiqə sonra Hakan Çalhanoğlu penalti zərbəsini dəqiq yerinə yetirərək fərqi iki topa çatdırıb.

31-ci dəqiqədə Markus Türam fərqlənərək hesabı 3:0 edib.

İlk hissədə üç qol vuran “İnter” fasilədən sonra oyuna nəzarəti əlində saxlayıb. “Parma” isə qarşılaşmanın qalan bölümündə hesabı dəyişə bilməyib. Beləliklə, Milan təmsilçisi üç xalı inamlı qələbə ilə qazanıb.