“Roma” 10 nəfərlə oynadı, “Komo” fürsətdən yararlana bilmədi

İtaliya A Seriyasının VI turunda “Komo” və “Roma” komandaları üz-üzə gəlib.

90deqiqe.Az-ın məlumatına görə, qarşılaşma qolsuz heç-heçə ilə başa çatıb – 0:0. Paytaxt təmsilçisi ikinci hissənin böyük bölümünü azlıqda keçirib.

Matçın 53-cü dəqiqəsində “Roma”nın hücumçusu Donyell Malen qırmızı vərəqə alaraq meydandan qovulub. Bundan sonra qonaqlar müdafiəyə daha çox diqqət ayıraraq heç-heçə hesabını qorumağa çalışıblar.

Say üstünlüyü qazanan “Komo” rəqib qapısı qarşısında təzyiqi artırsa da, hücumlarını qolla tamamlaya bilməyib.

Beləliklə, komandalar hərəyə bir xal qazanıblar. Xallarının sayını 11-ə çatdıran “Komo” turnir cədvəlində altıncı pilləyə yüksəlib. 14 xalı olan “Roma” isə ikinci sıradakı mövqeyini qoruyub.