Donyell Malen A Seriyasının avqust-sentyabr ayları üzrə ən yaxşı futbolçusu seçildi

“Roma”nın hücumçusu Donyell Malen İtaliya çempionatında avqust və sentyabr aylarının ən yaxşı futbolçusu elan edilib.

90deqiqe.Az-ın məlumatına görə, mükafatın təqdimetmə mərasimi oktyabrın 17-də “Cenoa” ilə A Seriyasının 7-ci turu çərçivəsində keçiriləcək oyundan əvvəl baş tutacaq.

Qalib azarkeşlərin onlayn səsverməsinin və fərdi statistik göstəricilərin nəticələrinə əsasən müəyyənləşdirilib. Malen bu mübarizədə Davide Frattezzi (“Latsio”), Georgi Kvernadze (“Frosinone”), Daniel Maldini (“Kalyari”), Lautaro Martines (“İnter”) və Adrien Rabionu (“Milan”) qabaqlayıb.

A Seriyasının baş icraçı direktoru Luici De Syer vo Malenin çıxışını yüksək qiymətləndirib:

“Malen mövsümün əvvəlində ötən ilin yanvarında A Seriyasına keçdiyi vaxtdan nümayiş etdirdiyi əla formanı bir daha təsdiqləyib. Altı oyunda vurduğu altı qol onu dərhal bombardirlər yarışına qoşub. Texnikası, sürəti və cərimə meydançasındakı instinkti Maleni ən yaxşı hücumçulardan birinə, əsl qol maşınına çevirir. O, Can Pyero Qasperininin “Roma”sının taktiki sisteminə ideal uyğunlaşır”, – deyə De Syer vo bildirib.

Qeyd edək ki, ən yaxşı futbolçunun seçilməsi zamanı Hawk-Eye sistemi və Kama Sport analitik platformasının məlumatlarından istifadə olunub. Bu sistemlər oyunçuların yalnız statistik göstəricilərini və texniki hərəkətlərini deyil, topsuz hərəkətlərini, oyun qərarlarını və komandanın effektivliyinə töhfələrini də qiymətləndirməyə imkan verir.