“Milan” Alfadjo Sissenin maaşını artırmağı planlaşdırır

İtaliyanın “Milan” klubu hücumçusu Alfadjo Sisseyə uğurlu çıxışından sonra daha yaxşı şərtlərlə yeni müqavilə təklif etməyi planlaşdırır.

90deqiqe.Az-ın “La Gazzetta dello Sport"a istinadən məlumatına görə, hücumçunun hazırkı müqaviləsi 2030-cu ilin yayına qədər qüvvədədir. Onun illik maaşı 800 min avrodur.

“Milan” yeni müqavilə ilə bağlı danışıqları 2026-cı ilin sonunadək yekunlaşdırmaq istəyir. Futbolçunun nümayəndələri ilə müzakirələrin gələn həftə başlanacağı gözlənilir.

19 yaşlı futbolçu Avropa Liqasının əsas mərhələsinin ikinci turunda “Red Bull Zalsburq”la görüşdə het-trik edib. “Milan”ın 4:0 hesablı qələbəsi ilə başa çatan matçda Sisse görüşün ən yaxşı oyunçusu seçilib. O, Avropanın əsas klub turnirlərində het-trik edən ən gənc italiyalı futbolçu olub.

Qeyd edək ki, “Milan” 2026-cı ilin yanvarında Sisseni “Verona”dan transfer edib. Hücumçu mövsümün sonunadək icarə əsasında “Katandzarо”da çıxış edib. Cari mövsümdə isə “Milan”ın heyətində ilk 7 matçda 5 qol vurub.