“Venesia” “Napoli”ni məğlub edərək mövsümdə ilk xallarını qazandı

İtaliya A Seriyasının 2026/2027 mövsümünün VII turunda “Venesia” doğma meydanda “Napoli”ni 1:0 hesabı ilə məğlub edib.

90deqiqe.Az-ın məlumatına görə, Venesiyadakı “Pyercuici Penzo” stadionunda keçirilən qarşılaşmanın baş hakimi Yuan Luka Sakki olub.

Matçın taleyini 49-cu dəqiqədə Akor Adamsın vurduğu qol həll edib. Görüşün 68-ci dəqiqəsində isə “Napoli”nin yarımmüdafiəçisi Kevin De Bruyne penaltini dəqiq yerinə yetirə bilməyib.

Qeyd edək ki, “Venesia” əvvəlki altı turda keçirdiyi bütün oyunlarda məğlub olmuşdu. Bu qələbə komandaya mövsümdə ilk üç xalı qazandırsa da, kollektiv turnir cədvəlinin sonuncu pilləsində qalıb.

Yeddi oyundan 10 xal toplayan “Napoli” isə doqquzuncu yerdə qərarlaşıb.