“Torino” “Monza”nı məğlub etdi

İtaliya A Seriyasının VIII turunda “Torino” doğma meydanda “Monza”ya 3:2 hesabı ilə qalib gəlib.

90deqiqe.Az xəbər verir ki, qarşılaşmanın ilk hissəsində meydan sahibləri hesabda önə keçiblər. 39-cu dəqiqədə Kiyan Fits-Cim “Torino”nun ilk qolunu vurub.

Fasilədən dərhal sonra, 47-ci dəqiqədə Qustavu Varela “Monza”nın bərabərlik qoluna imza atıb.

Lakin Turin təmsilçisi tezliklə yenidən üstünlüyü ələ keçirib. 61-ci dəqiqədə Rafiq Belqali meydan sahiblərini önə keçirib, 72-ci dəqiqədə isə Nikola Vlaşiç fərqi iki topa çatdırıb.

Əlavə olunmuş vaxtda “Monza” hesab arasındakı fərqi minimuma endirsə də, məğlubiyyətdən qaça bilməyib. Beləliklə, “Torino” görüşdən 3:2 hesablı qələbə ilə ayrılıb.