“Cenoa” “Venesiya” üzərində minimal hesablı qələbə qazandı

İtaliya A Seriyasının 8-ci turunda “Cenoa” doğma meydanda “Venesiya”nı 1:0 hesabı ilə məğlub edib.

90deqiqe.Az-ın məlumatına görə, qarşılaşmanın ilk hissəsində meydan sahibləri yaxşı təsir bağışlayıblar. Matçın 25-ci dəqiqəsində Ellertsson fərqlənərək “Cenoa”ya qələbə qazandıran qola imza atıb.

Bundan sonra “Venesiya” hesabı bərabərləşdirmək üçün fəal hücumlar təşkil edib. Qonaqlar meydanda üstünlük qursalar da, bu üstünlüyü qola çevirə bilməyiblər. Beləliklə, “Cenoa” minimal hesablı qələbə qazanıb.

Maraqlıdır ki, gözlənilən qollar (xG) göstəricisində “Venesiya” rəqibini üstələyib — 1,77-yə qarşı 0,33. Buna baxmayaraq, qonaqlar matçdan xalsız ayrılıblar.

Qələbədən sonra 7 xala malik “Cenoa” A Seriyasının turnir cədvəlində 16-cı pillədə qərarlaşıb. Cəmi 3 xalı olan “Venesiya” isə sonuncu yerdədir.