“Yuventus” səfərdə “Leççe”ni məğlub etdi

İtaliya A Seriyasının 8-ci turunda “Yuventus” səfərdə “Leççe”yə 2:0 hesabı ilə qalib gəlib.

90deqiqe.Az-ın məlumatına görə, Turin təmsilçisi qarşılaşmada hesabı 29-cu dəqiqədə açıb. Duqlas Luizin ötürməsindən sonra Ueston Makkenni fərqlənərək komandasını önə keçirib.

“Yuventus” fasiləyə qədər üstünlüyünü artırmağa nail olub. 41-ci dəqiqədə Federiko Qattinin ötürməsini dəqiq tamamlayan Duqlas Luiz ikinci qolu vurub.

İkinci hissədə iki top fərqini aradan qaldırmağa çalışan “Leççe” hesabı dəyişə bilməyib. “Yuventus” üstünlüyünü qoruyaraq görüşdən 2:0 hesablı qələbə ilə ayrılıb.