Borriellodan “Yuventus”un hücumçusuna sərt tənqid

İtaliya millisinin sabiq hücumçusu Marko Borriello “Yuventus”un forvardı Nik Voltemadeni tənqid edərək onun oyun tərzinin rəqiblər üçün asanlıqla proqnozlaşdırıldığını bildirib.

90deqiqe.Az-ın məlumatına görə, Borriello bu barədə “Gazzetta dello Sport” nəşrinə müsahibəsində danışıb.

“Voltemade ucaboylu və texnikalı futbolçudur, amma onun oyunu proqnozlaşdırılandır”, – deyə sabiq hücumçu bildirib.

O, Turin təmsilçisinin hücum xəttində Voltemade ilə Randal Kolo Muani tandemini də bəyənmədiyini etiraf edib. Borriellonun fikrincə, hər iki futbolçu cərimə meydançasında oynamağı sevmir.

Voltemade hələlik İtaliya A Seriyasında məhsuldar göstəricilərlə yadda qalmayıb. Onun “Yuventus”dakı ilk çıxışları idman mətbuatının tənqidinə səbəb olub.

Hətta almaniyalı futbolçunun oktyabrın ortalarında “Selta” ilə oyundan sonra həmin matçı “Yuventus”a keçidindən bəri ən yaxşı çıxışı adlandırmasına baxmayaraq, “Gazzetta dello Sport” onun oyununu sərt tənqid edib.

Nəşr Voltemadenin mərkəz hücumçusu mövqeyində çıxış etmək cəhdlərini belə təsvir edib:

“Voltemade mərkəz hücumçusu kimi oynamağa çalışır. Bu cəhdlər bir neçə kiloqram kökəlmiş orta yaşlı kişinin 20 il əvvəlki toy kostyumunu geyinməyə çalışması qədər uğursuz və israrlıdır”.

Qeyd edək ki, Nik Voltemadenin transfer hüquqları İngiltərənin “Nyukasl” klubuna məxsusdur.