“Udineze” altı oyunluq məğlubiyyət seriyasına son qoydu

İtaliya A Seriyasının IX turunda “Parma” və “Udineze” komandaları üz-üzə gəlib.

90deqiqe.Az-ın məlumatına görə, qarşılaşma qolsuz heç-heçə ilə yekunlaşıb – 0:0.

Meydan sahibləri qələbə qazanmaq üçün ən yaxşı şanslarını ikinci hissədə əldə ediblər. Belə ki, 69-cu dəqiqədə “Parma” penalti vurmaq hüququ qazanıb. Lakin Adrian Bernabe 11 metrlik cərimə zərbəsini dəqiq yerinə yetirə bilməyib.

Oyunun taleyini dəyişmək fürsətini əldən verən “Parma” heç-heçə ilə kifayətlənib. “Udineze” isə qapısını toxunulmaz saxlamağı bacararaq bir xal qazanıb.

Qeyd edək ki, bu nəticə “Udineze”nin İtaliya çempionatında ardıcıl altı məğlubiyyətdən ibarət seriyasına son qoyub.