De Rossi Spallettini karyerasında çalışdığı ən yaxşı məşqçi adlandırıb

“Cenoa”nın baş məşqçisi Daniele De Rossi “Yuventus”a rəhbərlik edən Luçano Spallettini futbolçu karyerası ərzində altında çıxış etdiyi ən yaxşı məşqçi hesab etdiyini bildirib.

90deqiqe.Az-ın məlumatına görə, “Football Italia” mütəxəssisin fikirlərini belə çatdırıb:

“Atamdan sonra mənə ən çox bilik verən şəxs o olub və məşqçi olmağa da məni o ruhlandırıb. O, həmişə mənə yaxın olub. Onu görəndə sadəcə peşə həmkarı kimi deyil, dostum kimi qəbul edirəm. Birlikdə möhtəşəm illər keçirmişik.

O, karyeram ərzində altında oynadığım ən yaxşı məşqçidir. Soyunub-geyinmə otağında sərt idi, amma ictimaiyyət qarşısında həmişə bizi müdafiə edirdi. Məşqçi olmağa qərar verməyimdə məhz bu amil mühüm rol oynadı”.

De Rossinin rəhbərliyi altında çıxış edən “Cenoa” 7 xalla İtaliya A Seriyasının turnir cədvəlində 16-cı yerdə qərarlaşıb.