Moyze Kinin yaşıl meydanlara qayıdışı beş həftə çəkə bilər

“Komo” klubunun və İtaliya millisinin hücumçusu Moyze Kin baldır nahiyəsindən aldığı zədə ilə bağlı müalicə kursunu başa vurub. 

90deqiqe.Az xəbər verir ki, 26 yaşlı futbolçunun bərpa prosesinin təxminən beş həftə davam edəcəyi gözlənilir. 

İtaliyalı futbolçunu narahat edən problem onun “Fiorentina”da çıxış etdiyi dövrdən mövcud olub.

Kin avqustda həmin klubdan “Komo”ya keçib. Zədə İtaliya millisində çıxış etdiyi zaman yenidən özünü büruzə verib. Hücumçu sentyabrın 20-dən etibarən klubunun heyətində heç bir oyunda meydana çıxmayıb.

Konservativ müalicə üsulları nəticə vermədiyindən Kin Barselonada mütəxəssisə müraciət edib və orada xüsusi tibbi prosedurdan keçib.

Klub futbolçunun müalicəsinin uğurla başa çatdığını təsdiqləyib. Hücumçunun böyük ehtimalla dekabrda yaşıl meydanlara qayıdacağı gözlənilir.