“Bolonya” “Montsa” üzərində əzmkar qələbə qazanıb

İtaliya A Seriyasının X turunda “Bolonya” doğma meydanda “Montsa”nı qəbul edib.

90deqiqe.Az xəbər verir ki, qarşılaşma meydan sahiblərinin 2:1 hesablı qələbəsi ilə başa çatıb.

Oyunda hesabı 6-cı dəqiqədə qonaqlar açıblar. Qustavo Varela penaltini dəqiq yerinə yetirərək “Montsa”nı önə keçirib. 33-cü dəqiqədə Tommazo Pobega fərqlənərək hesabı bərabərləşdirib.

Matçın taleyini həll edən qol 59-cu dəqiqədə vurulub. Federiko Bernardeski penaltini dəqiq yerinə yetirərək “Bolonya”ya üstünlük qazandırıb.

81-ci dəqiqədə “Montsa” hesabı bərabərləşdirmək imkanı əldə etsə də, Patrik Kutrone penaltidən yararlana bilməyib. Beləliklə, meydan sahibləri üstünlüyünü qoruyaraq üç xal qazanıblar.