“Bolonya” səfərdə “Parma”ya qalib gəldi

İtaliya A Seriyasının XI turunda “Bolonya” səfərdə “Parma”nı 2:1 hesabı ilə məğlub edib.

90deqiqe.Az-ın məlumatına görə, qarşılaşmanın 9-cu dəqiqəsində meydan sahiblərinin müdafiəçisi Abdullaye Ndiaye qırmızı vərəqə alaraq komandasını azlıqda qoyub. Buna baxmayaraq, qonaqlar hesabı yalnız ikinci hissədə aça biliblər. 53-cü dəqiqədə Artür Teat fərqlənib.

72-ci dəqiqədə Rikardo Orsolini penaltini dəqiq yerinə yetirərək “Bolonya”nın üstünlüyünü iki topa çatdırıb. “Parma” 81-ci dəqiqədə Vensan Syeronun penaltidən vurduğu qolla fərqi azaltsa da, hesabı bərabərləşdirə bilməyib.

Beləliklə, “Bolonya” çətin səfər matçından üç xalla ayrılıb.