“Milan” səfərdə “Cenoa”ya qalib gəldi

İtaliya A Seriyasının növbəti turunda “Milan” səfərdə “Cenoa” ilə qarşılaşıb.

90deqiqe.Az-ın məlumatına görə, Ruben Amorimin rəhbərlik etdiyi komanda Avropa Liqasında “Ferentsvaroş”a evdə məğlub olduqdan sonra bu görüşdə qələbə qazanmağa çalışıb.

Qonaqlar ilk hissədə iki qol vuraraq üstünlük əldə ediblər. Sisse və Kristian Pulişiç fərqləniblər. Hər iki futbolçu rəqibin cərimə meydançası daxilindən dəqiq zərbə endirib.

İkinci hissədə “Milan” hücumda fəallığı ilə seçilməsə də, meydan sahibləri hesabı dəyişmək üçün cəhdlərini davam etdiriblər. “Cenoa” 88-ci dəqiqədə Ellertssonun qolu ilə fərqi minimuma endirib. Lakin meydan sahibləri məğlubiyyətdən xilas ola bilməyiblər – 1:2.

Beləliklə, çətinliklə də olsa, üç xal qazanan “Milan” A Seriyasının turnir cədvəlində dördüncü pillədə qərarlaşıb. “Cenoa” isə 13-cüdür.