İtaliya millisinin və “Milan”ın sabiq futbolçusu Rikkardo Montolivo karyerasını başa vurub.
Corner.az xəbər verir ki, bu barədə 34 yaşlı yarımmüdafiəçi İtaliya mətbuatına açıqlamasında deyib.
Montolivo futbol karyerasını başa vurduğunu bildirib: “Bu andan etibarən futbolu biritirəm. Ailəmlə birlikdə Milanda yaşamağa davam edəcəm. Bundan sonra nə edəcəyimi bilmirəm. “Milan” məni karyeramı bitirməyə vadar etdi. 7 ildən sonra azarkeşlərlə vidalaşa bilmədim”.
2012-ci ildən “Milan”da çıxış edən təcrübəli futbolçu, 2018/19 mövsümündə heç bir rəsmi qarşılaşmada iştirak etməyib. Onun Milan təmsilçisi ilə müqaviləsi 2019-cu ilin yayında sona çatmışdı və o gündən klubsuz idi.
