İnter İtaliya A Seriyasının 13-cü turunda “Torino”ya qalib gəlib.
Corner.az xarici mətbuata istinadən xəbər verir ki, 3:0 hesabıyla bitən görüş Milan təmsilçisinin hücumçusu Romelu Lukaku üçün əlamətdar olub.
Belə ki, 26 yaşlı futbolçu “Torino” ilə oyunda da qol vuraraq, bu mövsüm A Seriyasındakı qollarının sayını 10-a çatdırıb. Belçikalı futbolçu “İnter”lə A Seriyasında ilk 13 oyuna 10 qol vurmağı bacaran ikinci futbolçu olub. Bundan əvvəl, 1948/49 mövsümündə İştvan Nerş bunu bacarmışdı.
Qeyd edək ki, Lukaku bu yay “Mançester Yunayted”dən “İnter”ə transfer olunub.