Konfrans Liqası: Üç klub 3-cü təsnifat mərhələsinə yüksəldi

Futbol üzrə Avropa Konfrans Liqasında 2-ci təsnifat mərhələsinin cavab oyunlarına start verilib.

Corner.az xəbər verir ki, bu gün ilk üç cavab görüşü keçirilib.

Albaniya “Teuta”sı səfərdə Andorranın “İnter Eskaldes” klubunu böyük hesabla məğlub edərək növbəti mərhələyə yüksəlib. Farer adalarının “Torshavn”i də səfərdə “Buduçnost”u üstələyib. Malta “Hibernians”ı isə evdə “Folqore” komandasından güclü olub.

Mərhələnin digər oyunları iyulun 29-da keçiriləcək.

Avropa Konfrans Liqası
2-ci təsnifat mərhələsinin cavab oyunları
27 iyul

İnter Eskaldes (Andorra) – Teuta (Albaniya) 0:3 (ilk oyun 2:0)

Buduçnost (Monteneqro) – Torshavn (Farer adaları) 0:2 (0:4)

Hibernians (Malta) – Folqore (San Marino) 4:2 (3:1)