Konfrans Liqası: Qarabağ və Neftçi'nin potensial rəqibləri bəlli olub

Azərbaycanın avrokuboklardakı digər təmsilçisi "Qarabağ"ın da UEFA Konfrans Liqasının pley-off mərahələsindəki potensial rəqibi müəyyənləşib.

Corner.az-ın məlumatına görə, Ağdam təmsilçisi III raundda Kipr AEL-ini üstələyəcəyi təqdirdə, növbəti mərhələdə "Breydablik" (İslandiya) - "Aberdin" (Şotlandiya) cütünün qalibi ilə qarşılaşacaq.

İlk görüş Bakıda keçiriləcək.

***

UEFA Konfrans Liqasında pley-off mərhələsinin püşkü atılır.

Corner.az-ın məlumatına görə, Azərbaycanın avrokuboklardakı təmsilçisi "Neftçi"nin də potensial rəqibi bəlli olub.

Flaqmanlar Avropa Liqasının III raundunda Finlandiya HİK-ini keçə bilməsə, Konfrans Liqasının pley-offunda “Makkabi” (Hayfa, İsrail) – "HB Torşavn" (Farer adaları) cütünün qalibi ilə üz-üzə gələcək."Ağ-qaralar" ilk matçını evdə oynayacaq. 

Qeyd edək ki, pley-off mərhələsinin oyunları avqustun 19 və 26-da keçiriləcək.