Neftçi Makkabi üzərində qələbəni əldən verdi

Azərbaycan çempionu “Neftçi” bu gün avrokuboklarda növbəti matçına çıxıb.

Corner.az xəbər verir ki, UEFA Çempionlar Liqasından Avropa Liqasına, daha sonra Konfrans Liqasına düşən “flaqmanlar” üçüncü dərəcəli klub turnirində debüt edib.

Samir Abasovun komandası doğma meydanda Hayfa “Makkabi”sini qəbul edib.Altı qolun qeydə alındığı bu görüşdə qalib müəyyənləşməyib.

Qeyd edək ki, bu komandalar arasındakı cavab görüşü avqustun 26-da İsraildə baş tutacaq.

Avropa Konfrans Liqası
Pley-offun ilk oyunu
19 avqust

“Neftçi” – “Makkabi” (Hayfa) 3:3
Qol: Y.Laval, 50; 66. E.Mahmudov, 72 – V.Stankoviç, 9-öz qapısına. T.Çeri, 78; 90+6.
Qırmızı vərəqə: İ.Zülfüqarlı, 77.
Baş hakim: Delayod Uilli (Fransa).
Bakı. “Bakcell Arena”.