Neftçi avrokubokla erkən vidalaşdı

Azərbaycan çempionu “Neftçi” bu gün Avropa Konfrans Liqasında növbəti matçına çıxıb.

Corner.az xəbər verir ki, Samir Abasovun komandası pley-off mərhələsi çərçivəsində “Makkabi” (Hayfa, İsrail) ilə cavab oyununu keçirib.

Bakıdakı ilk oyunda məhsuldar heç-heçə qeydə alınmışdı – 3:3. Cavab görüşündə isə mərhələ adlamaq istəyən komanda mütləq qələbə qazanmalı idi. Səfərdə 4 cavabsız qolla məğlub olan paytaxt təmsilçisi UEFA Çempionlar Liqası və Avropa Liqasının ardından, Konfrans Liqasında da mübarizəni dayandırıb.

Avropa Konfrans Liqası
Pley-offun cavab oyunu
26 avqust

“Makkabi” (Hayfa) – “Neftçi” 4:0
Qol: S.Menaxem, 20. Ö.Atzili, 45+2. D.Haziza, 52-pen. M.A.Fani, 69.
Baş hakim: Aleksandar Stavrev (Şimali Makedoniya).
Hayfa. “Sammi Ofer” stadionu.
İlk oyun – 3:3.