Qazaxıstan çempionatında 22-ci turun oyunları keçirilib. Corner.az xəbər verir ki, Avropa Konfrans Liqasının qrup mərhələsində “Qarabağ”ın rəqibi olan “Kayrat” da növbəti matçına çıxıb.
Sözügedən komanda səfərdə “Şaxtyor”un qonağı olub. Bu görüşdən tərəflər hərəyə 1 qol 1 xalla ayrılıblar – 1:1.
“Kayrat” bu heç-heçədən sonra 41 xalla 14 kollektiv arasında 3-cü pillədə qərarlaşıb.
“Qarabağ”la “Kayrat” qrupda ardıcıl – 3 və 4-cü turlarda qarşılaşacaq. İlk oyun oktyabrın 21-də, ikinci oyun noyabrın 4-də keçiriləcək.
