Qarabağ'ın səviyyəsini gördük - Omoniya'nın baş məşqçisi

"Oyuna istədiyimiz kimi başladıq. İlk hissədəki mübarizədən razıyam. İkinci yarıda 2 şanssız qol buraxdıq. Bundan sonra hesab daha da böyüdü. Bəxtimiz gətirmədi"

Corner.az-ın məlumatına görə, bu fikirləri Kiprin "Omoniya" klubunun baş məşqçisi Henninq Berq evdə "Qarabağ"a 1:4 hesabı ilə uduzduqları UEFA Konfrans Liqasının qrup oyunundan sonra mətbuat konfransında deyib.

52 yaşlı mütəxəssis Ağdam klubunun keyfiyyətli kollektiv olduğunu bildirib: "Rəqibin səviyyəsini gördük. Hazırda qrupun dördüncü komandasıyıq,vəziyyət daha çətindir. Komandanın inkişafı üçün çalışırıq. “Qarabağ” və “Bazel” uzun illərdir ki, avrokuboklarda çıxış edir. Biz də yaxşı işlər görmüşük, amma yetərli deyil".(report)