Qarabağ'ın rəqibi yarımfinala vəsiqə qazanıb

"Qarabağ”ın Konfrans Liqasının qrup mərhələsindəki rəqibi “Kayrat” növbəti oyununa çıxıb.

Corner.az xəbər verir ki, Kurban Berdıyevin komandası Qazaxıstan Kubokunun 1/4 finalında “Kaysar”la cavab matçını keçirib.

İlk görüşdə doğma meydanda 3:0 hesablı qələbə qazanan Almatı təmsilçisi səfərdə də bu rəqibini məğlub edib – 2:0. Qolları 76-cı dəqiqədə Vaqner Lav, 88-ci dəqiqədə isə Artur Şuşenaçev vurublar.

“Kayrat” yarımfinalda “Astana” ilə üz-üzə gələcək.

Qazaxıstan təmsilçisi Konfrans Liqasının qrup mərhələsinin 3-cü turunda Bakıda “Qarabağ”a 1:2 hesabı ilə uduzub. Komandalar arasında növbəti görüş noyabrın 4-də Almatıda gerçəkləşəcək.