Kiprin "Omoniya" komandasının futbolçusu Haralambos Haralampus Konfrans Liqasında "Qarabağ"a qarşı keçirdikləri oyunla bağlı fikirlərini bölüşüb. Corner.az xəbər verir ki, 19 yaşlı yarımmüdafiəçi, 2:2 hesabıyla bitən matçı belə şərh edib:
“Bu oyunda özümüzü ən yaxşı tərəfdən göstərməyə və nəticə qazanmağa çalışdıq. Fasiləyə üstün yollansaq da, ikinci hissədə qol buraxdıq. Daha sonra isə azlıqda qaldıq. Düşünürəm ki, hesab ədalətli oldu”.
