Marsel - Qarabağ oyunu məhdud sayda azarkeşlə keçirilə bilər

Fransada "Marsel" və "Qarabağ" klubları arasında keçiriləcək UEFA Konfrans Liqasının pley-off mərhələsinin ilk oyununu məhdud sayda azarkeş izləyə bilər.

Corner.az-ın məlumatına görə, bu, Fransa hökumətinin 2022-ci il yanvarın 3-dən idman tədbirlərində azarkeş sayına tətbiq edəcəyi məhdudiyyətlərlə əlaqədardır.

Qərara əsasən, qapalı məkanlarda 2 000 nəfərdən, açıq havada isə 5 000 nəfərdən çox tamaşaçı iştirak edə bilməz. Məhdudiyyətlərin qüvvədə olma müddəti barədə məlumat verilmir.

Qeyd edək ki, "Marsel - "Qarabağ" oyunu fevralın 17-də "Velodrom" stadionunda olacaq. Cavab görüşü isə fevralın 24-də Bakıda təşkil ediləcək.