Avroliqa və Konfrans Liqasında həftənin ən yaxşıları bilindi

UEFA Avropa Liqası və Konfrans Liqasında pley-off mərhələsinin cavab görüşlərindən sonra həftənin ən yaxşı futbolçuları müəyyənləşib.

Corner.az məlumatına görə, bu ada Avropa Liqasında Portuqaliyanın "Braqa" klubunun hücumçusu Rikardo Orta, Konfrans Liqasında isə İngiltərənin "Lester" klubunun yarımmüdafiəçisi Ceyms Meddison layiq görülüb. İngiltərəli futbolçunun Moldova "Şerif"i ilə görüşdəki (2:0) dəqiq zərbəsi isə ən yaxşı qol nominasiyasında qalib olub.

Avropa Liqasında isə İspaniyanın "Barselona" klubunun yarımmüdafiəçisi Frenki de Yonqun İtaliyada "Napoli"ya 4:2 hesabı ilə qalib gəldikləri görüşdə vurduğu qol ən yaxşı seçilib.