"Neftçi”nin Avropa Konfrans Liqasının 2-ci təsnifat mərhələsindəki rəqibi “Aris” (Limassol) yeni mövsümə hazırlıq çərçivəsində növbəti yoxlama oyununa çıxıb. Corner.az xəbər verir ki, Kipr klubu Yunanıstan Super Liqasında mübarizə aparan adaşı “Aris”lə qarşılaşıb.
Qarşılaşma Kipr təmsilçisinin minimal hesabla qələbəsi ilə yekunlaşıb. “Neftçi”nin rəqibinə qələbə gətirən qolu 77-ci dəqiqədə Daniel Sikorski imza atıb. Yunanıstan “Aris”i 44-cü dəqiqədə azlıqda qalıbsa, Kipr “Aris”ində də 83-cü dəqiqədə bir futbolçu birbaşa qırmızı vərəqə ilə meydandan qovulub.
“Neftçi”nin Limassol “Aris”i ilə ilk oyunu iyulun 21-də Kiprdə, cavab görüşü isə bir həftə sonra Bakıda baş tutacaq.
