"Qəbələ”nin UEFA Konfrans Liqasının 2-ci təsnifat mərhələsində rəqibi olan Macarıstanın “Fehervar” komandası bu gün növbəti yoxlama oyununu keçirib. Corner.az xəbər verir ki, sözügedən komanda Türkiyənin “Qalatasaray” klubu ilə qarşılaşıb.
Görüş Macarıstan təmsilçisinin minimal hesablı qələbəsi ilə başa çatıb – 1:0. “Qəbələ”nin rəqibinə yenə komandanın lideri Kenan Kodro qələbə qolunu gətirib. O, 32-ci dəqiqədə fərqlənib.
“Qəbələ”nin “Fehervar”la ilk oyunu iyulun 21-də Macarıstanda, cavab görüşü isə bir həftə sonra doğma meydanda baş tutacaq.
