"Qarabağ”ın sabiq yarımmüdafiəçisi Patrik Andrade yeni klubu “Partizan”da ilk qoluna imza atıb. Corner.az xəbər verir ki, Belqrad təmsilçisi dünən Konfrans Liqasının pley-off mərhələsinin ilk matçında Maltanın “Hamrun” komandası ilə üz-üzə gəlib.
Oyun Serbiya təmsilçisinin 4:1 hesablı qələbəsi ilə başa çatıb. Andrade 30-cu dəqiqədə 3-cü qolun ötürməsini edib. 77-ci dəqiqədə isə 29 yaşlı futbolçu matçda son nöqtəni qoyub.
Kabo Verdedən olan oyunçu 2020-22-ci illər aralığında “Qarabağ”da oynayıb. O, bu yay müqaviləsinin müddəti başa çatdıqdan sonra Ağdam klubundan ayrılaraq “Partizan”a keçib.
