- Konfrans liqası
- 02:14 28.11.2025
Futbol üzrə Belçika kubokunda 1/8 final mərhələsinin oyunları keçirilib.
Corner.Az xəbər verir ki, “Qarabağ”ın Avropa Konfrans Liqasının pley-off mərhələsindəki rəqibi olan “Gent” də növbəti matçına çıxıb.
Sözügedən komanda doğma meydanda “Serkl Brügge” ilə qarşılaşıb. Görüşün əsas vaxtı qolsuz başa çatıb. Lakin əlavə vaxtda 2 qol vuran “Gent” adını 1/4 finala yazdırıb. Komandanın qələbə qollarını Huqo Kuypers (109) və Malik Fofana (119) vurub.
“Qarabağ” Belçika təmsilçisinə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.
