Futbol üzrə Belçika çempionatında 19-cu turun oyunları keçirilib. Corner.az xəbər verir ki, Avropa Konfrans Liqasının pley-off mərhələsində “Qarabağ”ın rəqibi olan “Gent” də növbəti matçına çıxıb.
Sözügedən komanda səfərdə “Antverpen”in qonağı olub. Ağdam klubunun rəqibi bu oyunda 2 cavabsız qolla məğlub olub – 0:2.
“Gent” hazırda 31 xalla 18 kollektiv arasında 5-ci pillədə qərarlaşıb.
“Qarabağ” “Gent”ə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.
