Futbol üzrə Belçika çempionatında 20-ci turun oyunları keçirilib. Corner.az xəbər verir ki, Avropa Konfrans Liqasının pley-off mərhələsində “Qarabağ”ın rəqibi olan “Gent” də növbəti matçına çıxıb.
Sözügedən komanda doğma meydanda “Kortreyk”i qəbul edib. Ağdam klubunun rəqibi bu oyunda 2:1 hesablı qələbə qazanıb. “Gent”in hər iki qoluna 7 və 69-cu dəqiqələrdə Huqo Kuypers imza atıb.
“Gent” bu qələbədən sonra 34 xalla 5-ci pillədə qərarlaşıb.
"Qarabağ" Belçika təmsilçisinə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.
