Gent'in kapitanı Qarabağ'la oyunları buraxa bilər

Belçikanın “Gent” klubunun futbolçusu Vadis Ocica-Ofoe UEFA Konfrans Liqasının pley-off mərhələsində “Qarabağ”la oyunları buraxa bilər.

Corner.az yerli mətbuata istinadən xəbər verir ki, buna səbəb 34 yaşlı kapitanın sıradan çıxmasıdır.

Ölkə çempionatının XX turunda “Kortriyk”lə matçın (2:1) 16-cı dəqiqəsində zədələnərək əvəzlənən 33 yaşlı yarımmüdafiəçi dizindən əməliyyat olunub.  Belçika millisinin sabiq üzvünün yaşıl meydanlara nə vaxt qayıdacağı açıqlanmasa da, onun sağalma prosesinin bir neçə ay çəkməsi gözlənilir.

Qeyd edək ki, “Qarabağ”la “Gent” arasında oyunlar fevralın 16-da və 23-də keçiriləcək.