"Qarabağ”ın yarımmüdafiəçisi Marko Yankoviç Avropa Konfrans Liqasının pley-off mərhələsi çərçivəsində Bakıda Belçikanın “Gent” komandasına qarşı keçirəcəkləri ilk oyundan əvvəl fikirlərini bölüşüb. Corner.az xəbər verir ki, 27 yaşlı futbolçu bu gün baş tutan mətbuat konfransında bunları söyləyib:
“Sabah bizim üçün çətin olacaq. Rəqibi yaxşı analiz etmişik. Avrokuboklarda zəif rəqib olmur. Matça hazır olmağa çalışırıq. Ən yaxşı nəticəni əldə etməyə çalışacağıq. Fikrimcə, çempionatda baş verənlər avrokuboklara təsir etməyəcək. Fərqli oyun, fərqli atmosfer olacaq. Bizdə yüksək motivasiya var. Azarkeşlər önündə qələbə üçün əlimizdən gələni edəcəyik”.
Sabah Tofiq Bəhramov adına Respublika stadionunda keçiriləcək “Qarabağ” – “Gent” matçına saat 21:45-də start veriləcək.
