“Gent”in yarımmüdafiəçisi Alessio Kastro-Montes Konfrans Liqasının pley-off mərhələsində “Qarabağ”la bu gün keçirəcəkləri oyun barədə fikirlərini bölüşüb. Corner.az xəbər verir ki, 26 yaşlı oyunçu fərdi cəhətdən Ağdam klubunun oyunçularını tanımadığını lakin rəqibin kifayət qədər güclü olduğunu bildirib:
“Qarabağ”dan heç bir futbolçunu tanımıram. Düzünü desəm, bunu düşünən tək oyunçu mən deyiləm. Onların güclü tərəflərinə bələdik. “Qarabağ”a qarşı oynamaq çətindir. Xüsusən də, Bakıda onları məğlub etmək daha çətindir. Ancaq biz nə edəcəyimizi bilirik”.
Qeyd edək ki, Tofiq Bəhramov adına Respublika Stadionunda keçiriləcək görüş saat 21:45-də start götürəcək.