Azərbaycanın UEFA reytinqində 2022-23 mövsümü üçün xal ehtiyatı yenidən artıb. Corner.az xəbər verir ki, “Qarabağ”ın Konfrans Liqasının pley-off mərhələsində “Gent” üzərində 1:0 hesablı qələbəsi sayəsində bu mümkün olub.
Bu qalbiyyət avrokuboklarda bir komanda ilə təmsil olunan ölkəmizin aktivinə daha 0,500 xal gətirib. Cari mövsüm üzrə xal sayını 4.000-a, son 5 mövsümdə isə 16.625-ə çatdıran Azərbaycanın 29-cu pillədəki mövqeyi dəyişməyib. 28-ci yerdəki Polşanın 18,750 xalı var.
31.500 xalı olan Türkiyə 12-ci sırada qalıb. Siyahıya isə 103,284 xalla İngiltərə başçılıq edir.
