Konfrans Liqasının pley-off mərhələsinin ilk oyunlarından sonra həftənin futbolçusu adına namizədlər açıqlanıb. Corner.az xəbər verir ki, UEFA-nın rəsmi saytında təqdim olunan oyunçular arasında “Qarabağ”ın yarımmüdafiəçisi Marko Yankoviç də var.
Monteneqrolu orta sahə oyunçusu Bakıda “Gent” üzərində 1:0 hesablı qələbə qazanılan matçdakı performansına görə fərqləndirilib. Onunla yanaşı, “Fiorentina”dan Luka Yoviç, Larnaka AEK-indən Anxel Qarsiya və “Trabzonspor”dan Trezege də ən yaxşı olmağa namizəddi. Yankoviç Ağdam təmsilçisinin yeganə qolunun məhsuldar ötürməsini verib və ümumi ötürmələrinin 67 faizi dəqiq olub.
