Futbol üzrə Belçika çempionatında 26-cı turun oyunları keçirilib. Corner.az xəbər verir ki, Avropa Konfrans Liqasının pley-off mərhələsində “Qarabağ”ın rəqibi olan “Gent” də növbəti görüşünə çıxıb.
Sözügedən komanda doğma meydanda “Leuven”i qəbul edib. “Köhlən atlar”ın rəqibi bu oyunda inamlı qələbəyə sevinib – 2:0.
“Gent” hazırda 42 xalla 5-ci pillədə qərarlaşıb.
"Qarabağ" Belçika təmsilçisinə qarşı ilk matçını fevralın 16-da Bakıda keçirib və 1:0 hesabıyla qalib gəlib. Komandalar arasındakı cavab qarşılaşması isə fevralın 23-də Belçikada baş tutacaq.
