“Qarabağ”ın yarımmüdafiəçisi Marko Yakoviçin durumuna aydınlıq gəlib. Corner.az xəbər verir ki, Konfrans Liqasının pley-off mərhələsində “Gent”lə Bakıdakı oyunda zədələnən monteneqrolu futbolçu həkim müayinəsindən keçib.
Klub 28 yaşlı oyunçunun sol baldır əzələsində 2-ci dərəcəli yırtılma aşkar edildiyini açıqlayıb. Yankoviç bu üzdən təxminən bir ay yaşıl meydanlardan kənar qalacaq. Bu isə o deməkdi ki, “Gent”lə cavab matçını buraxacaq orta sahə oyunçusu komanda mərhələ adlayarsa, 1/8 finalın ilk görüşündə də iştirak etməyəcək.
Qeyd edək ki, “Qarabağ”la “Gent” arasında cavab oyunu fevralın 23-də Gentdə keçiriləcək.
