Bu mövsüm avrokuboklarda etdiklərimizlə qürur duymalıyıq

"Bu mövsüm avrokuboklarda etdiklərimizlə qürur duymalıyıq".

Corner.Az-ın məlumatına görə, bunu Belçikada "Gent"ə əsas vaxtda 0:1, penaltilər seriyasında isə 3:5 hesabı ilə uduzduqları UEFA Konfrans Liqasının pley-off mərhələsinin cavab oyunu barədə "Qarabağ"ın futbolçusu Riçard Almeyda özünün instaqram səhifəsində yazıb.

Braziliyalı yarımmüdafiəçi ötən gecə meydana Azərbaycan xalqını sevindirmək üçün çıxdıqlarını bildirib: "Amma futbol belədir: bu gün udursan, sabah uduzursan".

33 yaşlı yarımmüdafiəçi artıq yerli çempionata diqqət ayırmağın vaxtı olduğunu vurğulayıb: "Gələn il həmişəkindən daha güclü qayıda bilərik. Allah bilən məsləhətdir"