KL: Başakşəhər'i 1/4 finala buraxmadılar

Bu gün Avropa Konfrans Liqasında 1/8 final mərhələsinin cavab matçlarına start verilib. Corner.az xəbər verir ki, ilk oyun günündə bir qarşılaşma baş tutub.

Türkiyənin "Başakşəhər" klubu doğma meydanda Belçika “Gent”ini qəbul edib. Bu komandalar arasında Belçikada baş tutmuş ilk görüşdə 1:1 hesablı heç-heçə qeydə alınmışdı. Bu üzdən cavab matçında qalib gələn tərəf növbəti mərhələyə yüksələcəkdi. Beş qolun qeydə alındığı bu matçda "Gent" darmadağınla  1/4 finala vəsiqə qazanıb. İstanbul təmsilçisi isə mübarizəni dayandırıb.

Digər cavab oyunları martın 16-da keçiriləcək.

Avropa Konfrans Liqası
1/8 finalın cavab oyunları
15 mart

"Başakşəhər" (Türkiyə) - "Gent" (Belçika) 1:4
Qol: Yanuzay, 88 – Orban, 31; 32; 34. Kuypers, 37.
Baş hakim: Benua Bastyen (Fransa).
İlk oyun – 1:1.
İstanbul, "Başakşəhər Fatih Terim" stadionu.